Dy persona u ndaluan në lagjen “Vasil Shanto” në Shkodër pasi brenda në makinë iu gjetën 1100 fara cannabisi. Policia e Shkodrës thotë se farat posedoheshin nga 32 vjeçari drejtuesi i automjetit me qëllim shitjen.
Në vijim të veprimeve, gjatë kontrollit në banesën e pasagjerit që ndodhej në automjetin ku u gjetën farat e cannabisit, Policia gjeti dhe sekuestroi 1 armë gjahu, 20 fishekë dhe 2 radio si të Policisë.
Të arrestuar në flagrancë janë Agron Doçaj , 34 vjeç, pasagjeri dhe Liridon Gjoka, 32 vjeç, shoferi. Dosja po hetohet nga prokuroria e Shkodrës.
Sekuestrimi i policisë, çifte, armatime, radiomarrëse dhe fara kanabisi
S.G//ReportTv.al
Komento
