Me qëllim parandalimin e aksidenteve , vazhdojnë kontrollet me radarë dhe dragera nga Policia Rrugore e Shkodrës, për evidentimin e të gjithë shoferëve që shkelin rregullat e qarkullimit rrugor.
Si rezultat i kontrolleve , në një javë janë vendosur 810 gjoba për shkelje të ndryshme, kryesisht parakalime të gabuara dhe drejtim automjeti nën efektin e alkoolit , ndërsa 2 shoferë të tjerë janë nën hetim për veprën penale "Drejtimi i automjeteve në mënyrë të parregullt”.
810 gjoba janë vendosur konkretisht për këto shkelje :
• 179 masa administrative për parakalime të gabuara;
• 1 masë administrative për përdorim të xhamave të errësuar dhe të riveshur;
• 6 masa administrative për mospërdorim të rripit të sigurimit;
• 18 masa administrative për drejtim automjeti nën efektin e alkoolit;
• 42 masa administrative për mospërdorim të kaskave mbrojtëse;
• 123 masa administrative për pushim mjeti në kundërshtim me sinjalistikën rrugore;
• 441 masa administrative për shkelje të rregullave të tjera të Kodit Rrugor.
Policia Rrugore bën apel për denoncimin e çdo rast të shkeljeve të rregullave të qarkullimit rrugor.
S.C//ReportTv.al