SHKODËR - Një 49-vjeçar është gjetur i pajetë në ujërat e lumit Buna paraditen e sotme në afërsi të fshatit Pentar.
Trupi i pajetë i Shkëlqim Kazazit u gjet nga familjarët e tij, ndërsa nga kqyrja paraprake e trupit nuk janë konstatuar akte apo shenja dhune.
Më datën 13 prill të këtij muaji, 49-vjeçari u kallëzua në polici nga i vëllai G.K., se ishte larguar nga shtëpia.
'Nga këqyrja paraprake e trupit nuk janë konstatuar shenja dhune. Më datë 13.04.2024, shtetasi G. K., vëllai i shtetasit Sh. K., ka kallëzuar në Polici, se 49-vjeçari ishte larguar nga banesa.', thuhet në njoftimin e policisë.
Ndërkohë grupi hetimor nën drejtimin e Prokurorisë po sqaron rrethanat e rastit për të përcaktuar shkakun e humbjes së jetës nga Kazazi.
G.K/ReportTv.al
Komento
