TIRANË- Është shkarkuar nga detyra nga Komisioni i Pavarur i Kualifikimit prokurori i Prokurorisë së Rrethit Gjyqësor Tiranë, Bajram Breçani. KPK ka konkluduar se Breçani nuk ka justifikuar pasurinë, konkretisht një shtëpi për të cilin prokurori pretendon se e ka i vëllai.
Gjatë seancës dëgjimore të zhvilluar të enjten më 1 shtator, Breçani dha shpjegime për pasaktësisë në deklarimin e investimeve në një banesë trekatëshe dhe kundërshtoi balancat negative të konstatuara prej Komisionit. Vendimi i sotëm për prokurorin Breçani është marrë nga nga trupa e KPK, e kryesuar nga Pamela Qirko, me relator Roland Ilian dhe anëtare Etleda Çiftjan. Në cilësinë e vëzhguesit ndërkombëtar ishte i pranishëm Theo Jacobs.
Breçani e ka filluar karrierën si prokuror në vitin 1995 dhe e ka ushtruar këtë detyrë deri në vitin 2000. Ai u rikthye në sistemin e drejtësisë në vitin 2013 si prokuror në Prokurorinë e Krujës. Një vit më vonë u transferua në Prokurorinë e Elbasanit ku ka shërbyer deri në vitin 2016, kur u caktua në Prokurorinë e Rrethit Gjyqësor Tiranë.
M.Q.//ReportTv.al
Komente
Lajm i mire,cdo pastrim i drejtesise nga malinjiteti i korporates kusaro-kriminale "gjin gjoni dhe llalleria" .
Përgjigju