Shefja e shërbimit spitalor të spitalit të Tepelenës, kryeinfermierja dhe farmacistja janë vënë nën hetim, pasi shitën ilaçet e spitalit në farmacinë private të një 42-vjeçareje, për të përvetësuar pagesat.
Pas transmetimit në një emisionin investigativ të një rasti të shitjes së ilaçeve të spitalit të Tepelenës në një farmaci private, specialistët për Hetimin e Krimeve Ekonomiko-Financiare të Policisë Gjirokastër kanë kryer veprimet e nevojshme për të nxjerrë përpara përgjegjësisë tre punonjëset e këtij spitali.
Për pasojë janë vënë nën hetim:
K. Gj., 44 vjeçe, banuese në Tepelenë, me detyrë shefe e Shërbimit, në Drejtorinë e Shërbimit Spitalor, Tepelenë;
-N. Z., 61 vjeçe, banuese në Tepelenë, me detyrë kryeinfermiere, në Urgjencën e Drejtorisë së Shërbimit Spitalor, Tepelenë;
-J. Gj., 42 vjeçe, banuese në Tiranë, me profesion farmaciste, pronare e farmacisë ku shiteshin ilaçet me vulën e spitalit të Tepelenës.
Po ashtu, gjatë kontrolleve në spitalin e Tepelenës dhe në farmacinë e J. Gj., u gjetën dhe u sekuestruan në cilësinë e provës materiale, kartela dhe regjistra mjekësorë që dyshohet se janë plotësuar me të dhëna fiktive, për të shitur ilaçe për përfitime personale.
M.T/ReportTv.alKomente
Pushtet kriminel dhe fashist
Përgjigju