Në 24 orët e fundit në Greqi janë regjistruar 7,287 raste të reja me koronavirus dhe 105 viktima. Numri total i të infektuarve që nga fillimi i pandemisë është 886,207 prej të cilëve 50.6% janë meshkuj.
Sa i përket rasteve të konfirmuara në shtatë ditët e fundit, 87 prej tyre kanë qenë persona që kanë udhëtuar jashtë vendit ndërsa 2,477 të tjerë janë raste kontakti.
Sa i përket të vdekurve, që nga fillimi i pandemisë e deri më sot janë regjistruar 17,425 viktima, 95% prej të cilëve ishin me sëmundje shoqëruese dhe mbi 70 vjeç.
Mësohet se në spitale 608 pacientë janë të intubuar, 503 prej të cilëve janë të pavaksinuar. Shifrat e koronavirusit janë rritur ndjeshëm ditët e fundit në Greqi, ndërsa autoritetet apelojnë qytetarët të vaksinohen.
Komento
