Shi i rrëmbyeshëm, disa rrugë në qytetin e Beratit nën pushtetin e ujit, mbulohen edhe trotuaret (VIDEO)

11 Shkurt 2021, 10:33| Përditesimi: 11 Shkurt 2021, 18:27

  • Share

Moti i keq me rrebeshe shiu dhe stuhi ka përfshirë që prej orëve të para të mëngjesit edhe qytetin e Beratit, duke shkaktuar përmbytje në disa akse rruge në qytet.

I favorizuar edhe nga era e fortë, shiu ka depërtuar në rrugë, duke vështirësuar mjaft lëvizjen e automjeteve dhe të këmbësorëve. Situata më problematike paraqitet në akset rrugore: “Spital-Uznovë”, “Stadiumi i Vjetër” dhe "Axhensi", ku duket qartë edhe nga pamjet filmike që uji ka vërshuar në rrugë dhe ka mbuluar edhe trotuaret.

Rreshjet e pandërprera të shiut kanë shkaktuar probleme edhe në bllokimin e kanalizimeve në qytet pasi siç shihet nga pamjet pusetat e ujërave të zeza kanë dalë jashtë përdorimit, duke e nxjerrë jashtë në rrugë ujin e prurë nga rreshjet.

Kjo situatë në Berat përsëritet sa herë që ka reshje intensive shiu dhe shkak për këtë bëhet bllokimi i tubacioneve të ujërave të larta, të cilat bëjnë që i gjithë uji të vërshojë në çdo rrugë e lagje të qytetit. Në rrugë kanë dalë tashmë edhe punonjësit e Ndërmarrjes së Pastrimit në bashkinë e Beratit, të cilët po bëjnë të mundur zhbllokimin e pusetave, në mënyrë që të mundësohet edhe tërheqja e ujit nga rrugët.

 


Lajmi kryesor:

Përmbytjet/ Buna dhe Shkumbini dalin nga shtrati, nisin evakuuimet në Shkodër! Rriten prurjet në Drin! Pezullohet lundrimi i mjeteve të vogla dhe të peshkimit


//ReportTv.al
  • Sondazhi i ditës:

    A jeni dakord që personat e së njëjtës gjini të martohen ligjërisht?