Avdyl Hoxha është arrestuar nga policia e Skraparit pasi tentoi të vriste bashkëfshatarin e tij. Ai së bashku me shtetasin Q. Sh., u konfliktuan për motive pronësie dhe Hoxha tentoi ta qëllonte me armë zjarri.
Menjëherë pas marrjes së njoftimit, shërbimet e Komisariatit të Policisë Skrapar kanë arritur në vendin e ngjarjes, në fshatin Leshnjë dhe kanë parandaluar përshkallëzimin e mëtejshëm të këtij konflikti.
Në përfundim të veprimeve procedurale, specialistët për Hetimin e Krimit në Komisariatin e Policisë Skrapar arrestuan në flagrancë shtetasin A. H., banues në Leshnjë, Skrapar, për veprat penale “Vrasja me dashje”, mbetur në tentativë dhe “Armëmbajtja pa leje”.
Materialet hetimore i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
A.M./ReportTv.al