ELBASAN- Dy të rinj janë konfliktuar me njëri tjetrin në qytetin e Elbasanit. Ngjarja ka ndodhur në lagjen "Haxhias", në ambientet e brendshme të një lokali ku janë goditur me mjete të forta 24 vjeçari me iniciale E.B., dhe E.B., 21 vjeç, banues në Elbasan.
Dy të rinjtë janë transportuar në Spitalin Rajonal Elbasan, për ndihmë mjeksore. Ndërkohë makina e njërit prej djemve u janë thyer xhamat.
Policia po punon për identifikimin dhe kapjen e autorëve.
Njoftimi i policisë:
Elbasan/ Informacion paraprak
Në lagjen "Haxhias", Elbasan, në ambientet e brendshme të një lokali në rrethana ende të paqarta janë goditur me mjete të forta shtetasit E.B., 24 vjeç, dhe E.B., 21 vjeç, banues në Elbasan, të cilët janë transportuar në Spitalin Rajonal Elbasan, për ndihmë mjeksore.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Nga veprimet e shpejta është bërë e mundur identifikimi i autorëve ku vijon puna për kapjen e tyre.
