Dy të mitur, të moshës 13-vjeç, kanë mbetur të lënduar ditën e sotme në zonën e Kinostudios në Tiranë, si pasojë e një sherri. Në konflikt u përfshinë katër të mitur, të moshës 13 vjeç, ndërsa ngjarja ndodhi për shkaqe banale.
Dy personat e lënduar u qëlluan me mjete rrethanore të mprehta , ndërsa janë dërguar menjëherë në spital, ku ndodhen jashtë rrezikut për jetën.
Autori i dyshuar i ngjarjes, po i mitur, është shpallur në kërkim. Grupi hetimor dhe shërbimet e Policisë ndodhen në vendngjarje dhe vijojnë punën për identifikimin e personave të përfshirë në konflikt si dhe sqarimin e rrethanave të ngjarjes.
Komento
