PESHKOPI - Një sherr mes disa personave ndodhi në Peshkopi ku për pasojë është plagosur me thikë një 22-vjeçar.
Ngjarja ka ndodhur në lagjen "Treg" ku disa të rinj janë konfliktuar fizikisht me njëri tjetrin. Deri më tani nuk dihen ende shkaqet e këtij sherri.
Policia ka arrestuar një 26-vjeçar me iniciale E.S. i cili goditi me thikë 22-vjeçarin me iniciale T.T. i cili ndodhet jashtë rrezikut për jetën.
Po në vijim të hetimeve ka rezultuar se janë përfshirë në konflikt për të cilët ka filluar hetimi në gjendje të lirë për veprat penale “Plagosje e lehtë me dashje” dhe “Moskallëzim krimi”, “Drejtimi i automjetit në mënyrë të parregullt”, për shtetasit : Xh. C., 25 vjeç, M. A., 23 vjeç, Xh. A., 26 vjeç, B. S., 23 vjeç, Xh. L., 15 vjeç, banues në Dibër.
Materialet proceduriale i kaluan Prokurorisë pranë Gjykatës së Shkallës së Parë Dibër për veprime të mëtejshme.
E.M./ReportTv.al