Doktor Dhimitër Kraja pas shërimit nga COVID-19 do të rikthehet sërish në krye të detyrës. Pas përhapjes së epidemisë së COVID-19 ai e ndjeu të nevojshme që të ishte krah kolegëve të tij dhe la pensionin për të rifilluar sërish punën.
Por pas disa ditësh ai u prek nga koronavirusi e sërish u shërua, duke u kthyer në burim frymëzimi për bluzat e bardha që janë në radhën e parë të betejës.
Ministrja e Shëndetësisë dhe Mbrojtjes Sociale, Ogerta Manastirliu ndau më 4 prill lajmin e mirë që doktor Kraja ishte shëruar.
Tashmë ai do të rikthehet sërish në frontin e luftës duke u shërbyer pacientëve me përshkushtim.
Lajmi per rikthimin e tij u bë i ditur nga sekretari për Marrëdhëniet me Mediet në PS, Alfred Peza.
“Mirmëngjes me doktor Doktor Dhimitër Krajën, që pas shërimit nga Covid-19 do rikthehet sërish në krye të detyrës”, ka shkruajtur Peza në profilin e tij.
