ShBA ka miratuar shitjen e tankeve "Abrams" për ushtrinë e Polonisë. 116 tanke do t'i shohen ushtrisë së Polonisë. Ky lajm është berë i ditur nga Ministri i Mbrojtjes së Polonisë, Mariusz Blaszczak në një deklaratë në twitter. Ministri tha se tashmë është bërë një hap tjetër shumë i rëndësishëm për të rritur akoma më tepër potencialin e ushtrisë polake.
“Autoritetet e SHBA-së miratuan shitjen e 116 tankeve ‘Abrams’. Po vazhdojmë me bisedimet për çmimin. Dorëzimet e para janë të mundur në vitin 2023”, tha Blaszczak duke vënë theksin e një ushtrie të fuqishme.
Kujtojmë se, shitja e 116 tankeve M1A1 Abrams, të prodhuar nga General Dynamic vjen vetëm disa muaj pasi Polonia u autorizua për të blerë 250 tanke M1A2 nga i njëjti prodhues. Tashmë është miratuar edhe shitjen për automjete dhe municione të tjera ndaj Polonisë në vlerën 3/75 miliard dollarë. Me këtë opsion të ri, Polonia mund të zgjedhë të blejë një përzierje të dy versioneve të tankeve, ndërsa kërkon të modernizojë ushtrinë e saj dhe të përshtatet me realitetet e reja gjeopolitike pas pushtimit rus të Ukrainës. Paketa do të përfshijë automjete për të rikuperuar tanke, tetë ura sulmi dhe automjete të tjera. Ai gjithashtu do të sigurojë mijëra fishekë municionesh të avancuara, duke përfshirë raunde të blinduara, rezervë dhe mbështetje teknike, tha Pentagoni.
Agjencia e Bashkëpunimit për Sigurinë e Mbrojtjes të Pentagonit njoftoi Kongresin për shitjen e mundshme të martën. Pavarësisht miratimit nga Departamenti i Shtetit, njoftimi nuk tregon se është nënshkruar një kontratë ose se negociatat kanë përfunduar.
F.D/ReportTv.al
