Sevilla mund 3-2 Interin dhe fiton Europa League. Andaluzianët janë kampionët e përjetshëm të këtij kompeticioni të cilin e fitojnë për herë të gjashtë po aq herë sa kanë shkuar në finale ndërsa zhgënjen Interi i Contes.
Zikaltërit morën shumë shpejt avantazhin me golin e Lukakut me penallti, por spanjollët e përmbysën me dy gola të sulmuesit De Jong. Gjithsesi, Interi barazoi menjëherë me Godin. Momenti që vendosi fatin e finales ishte në pjesën e dytë kur Diego Carlos me rroveshatë i ndihmuar edhe nga një devijim i Lukakut shënoi golin e fitores.
Festë e madhe për Sevillan që konfirmohet eksperte e Europa League dhe triumfoi edhe në Këln ndërsa për Interin zhgënjim i madh pasi ky sezon mbyllet pa asnjë trofe./Përgatiti Andi Kapxhiu
B.K.//ReportTv.al
Komente
Inter ekip i lodhur___konte tranjer kot___Bravo Sevilla.
PërgjigjuJa dha kupen albitri, i mohoi nje penallti Interit si dhe goli i trete ishte faull i dyfisht kokacurrelsi i Sevilje pengoi lojtarin e interit si dhe rrofishata prane kekes se mbrojtesit te Interit.
Përgjigju