Foto ilustruese

Sërish krisma në Shkodër, plagoset me pistoletë një person në Malësi të Madhe, arrestohet autori (Emri)

27 Shtator 2023, 22:17| Përditesimi: 27 Shtator 2023, 23:08

  • Share

Sërisht krisma me armë në Shkodër! Pas atentatit me një të vrarë dhe një të plagosur rëndë në Dukagjin, një plagosje me pistoletë ka ndodhur në Malësinë e Madhe.

Ngjarja ka ndodhur në fshatin Demiraj pas nje konflikti mes 3 personave në fshatin Grizhë. Gazetari Ergys Kavaja raporton për një burrë të plagosur i cili është dërguar në spitalin rajonal të Shkodrës jashtë rrezikut për jetën.

Në polici janë shoqëruar dy persona një prej të cilëve autori i plagosjes Arsid Kurtaj. Grupi hetimor nën drejtimin e Prokurorisë vijon punën për sqarimin e rrethanave të ngjarjes.

Njoftimi i policisë

Rreth orës 20:50, në fshatin Demiraj, pas një konflikti për motive të dobëta mes shtetasve E. G., e A. K., me shtetasin S. B., ka mbetur i plagosur me armë zjarri pistoletë jashtë rrezikut për jetën, shtetasi E. G., 28 vjeç. 

Në vendngjarje kanë shkuar menjëherë shërbimet e Policisë dhe grupi hetimor.

Në vijim të veprimeve hetimore, u shoqërua në Komisariat për veprime të mëtejshme, shtetasi S. B.,  pasi dyshohet se gjatë konfliktit ka plagosur me armë zjarri shtetasin  E. G. Ndërkohë janë ngritur pika kontrolli dhe vijon krehja e zonës me qëllim kapjen e shtetasit A. K,  i përfshirë në konflikt.

B.K/ReportTv.al
Komento
  • Sondazhi i ditës:

    A po jep rezultate lufta e SPAK ndaj grupeve kriminale?