“Rreze Dielli” do t’i ngrohë dhe do t'i bëjë më të bukura mëngjeset tuaja festive. Më 31 dhjetor deri në 2 janar do të jemi bashkë me të ftuar special të cilët do t’ju argëtojnë e do t’ju mbajnë mbërthyer pranë ekranit të Report Tv.
Vitin e ri do ta presim me Osman dhe Evis Mulën, Arvin Kitën, Gjergj Lekën dhe Edlira Çepanin, ku bashkë me ta do të degustojmë antipastat e shijshme dhe plot receta festive të gatuara nga zonja Albana.
Interpretimet e mrekullueshme të fëmijëve të talentuar do t’i japin hare ditës suaj ndërsa grupi ‘Miqtë e të shtunës’ do t’ju shoqërojnë me tingujt e veçantë të serenatave korçare.
Publicistja Raina Kovaçi dhe tenori Edmond Tullumani hapin dyert e shtëpisë së tyre në këto ditë festash për të festuar fillimin e një tjetër viti me të gjithë miqtë e Report Tv. ‘’ Rreze Dielli” ju uron Gëzuar Festat!
