Në një shkollë në Serbi, një 13-vjeçar ka kërcënuar me jët 30 shokët e tij të klasës.
Rasti është denoncuar nga prindërit e fëmijëve të cilët kanë vendosur mos t'i dërgojnë në mësim në shkollën fillore në lagjen Sutivan.
Sipas mediave serbe, i mituri ka bërë një listë me emrat shokëve që kërcënon me jetë.
Të shqetësuar për sigurinë e fëmijëve të tyre, prindërit kanë zhvilluar edhe një takim me drejtoreshën e shkollës Milijana Boshkoviç, dhe gjithashtu kanë bërë thirrje që autoritetet të reagojnë.
Prindërit pretendojnë se ky institucion nuk është më i sigurt për qëndrimin e fëmijëve të tyre.
“Djali më tha se një fëmijë ka gati një listë studentësh për t’i vrarë dhe se fëmija im ishte i pari në këtë listë”, u shpreh një prej nënave.
Nxënësi për të cilin është ngritur edhe shqetësimi, më herët është paraqitur në shkollë me armë dhe gjithashtu ka qëlluar në ambientet e jashtme të shkollës.
S.S/ReportTv.al