Prej 24 shkurtit 2022, datë që shënon agresionin rus mbi Ukrainën, të gjitha sportet në Rusi janë bërë "bllok" nga Evropa dhe pjesa dërrmuese e vendeve në glob.
Rusia e futbollit u përjashtua nga Liga e Kombeve, teksa nuk ka marrë pjesë në kualifikueset e Kupës së Botës apo Europianit. Prej kohësh kombëtarja e këtij vendi në futboll nuk luante një ndeshje miqësore të rëndësishme.
Këtë të enjte në Moskë rusët ia dolën të fitonin 4-0 kundër Serbisë. Duket se dy federatat e futbollit kanë rënë dakord për këtë miqësore, me Serbinë që ka thyer sanksionet e dy institucioneve të futbollit, të FIFA-s dhe UEFA-s mbi Rusinë.
Sa për kronikë, Rusia fitoi 4-0 kundër Serbisë së Dejan Stankovic, që kishte marrë me vete ekipin më të mirë. Anton Miranchuk, Osipenko, Aleksey Miranchuk dhe Sergeev ishin autorët e golave, me atmosferën që ishte e zjarrtë. Në stadium nuk munguan as politikanë nga dy vendet. Sergei Lavrov, ministri i Jashtëm i Rusisë duket i shoqëruar nga Ivica Dacic, homologu serb.
????????❤️???????? More good vibes from the #Russia-#Serbia match. pic.twitter.com/iGKwPbHImI
— Maimunka News (@MaimunkaNews) March 21, 2024
S.DH/ReportTv.al
