Një sasi e madhe prej 8.8 ton kokainë është sekuestruar nga policia në Ekuador. Lënda narkotike u zbulua në një kontejner me banane, gati për t’u dërguar në Belgjikë nga porti i Guayaquil.
“Rekordi i 2023 është sekuestrimi i më shumë se 8 tonëve kokainë”, shkruan komandanti i policisë, gjenerali Fausto Salinas, në llogarinë e tij në Twitter.
“Ne shmangim 90 milionë doza që do të dilnin në tregtinë ndërkombëtare. Sasia e drogës vlerësohet në 330 milionë dollarë në Europë ”, tha ai.
Në një video të publikuar nga Salinas në të njëjtin rrjet social, thotë se policia njoftoi agjentët e anti-drogës, të cilët inspektuan kontejnerin me banane, destinacioni i të cilit ishte Belgjika.
I vendosur midis Kolumbisë dhe Perusë, prodhuesit kryesorë të kokainës në botë, Ekuadori kapi në vitin 2021 rekordin vjetor prej 210 tonësh droge, pjesa më e madhe kokainë dhe destinacionet e të cilave ishin portet evropiane.
RÉCORD 2023 EN LA INCAUTACIÓN DE MÁS DE 8 TONELADAS DE COCAÍNA
— GraD. Fausto Salinas Samaniego (@CmdtPoliciaEc) February 26, 2023
Mediante técnicas de perfilamiento e investigación en contenedores en el puerto de #GYE
Evitamos el comercio internacional de 90 millones de dosis, valoradas en 330 millones de dólares en Europa#MásFuertesQueNunca pic.twitter.com/4U2UGhurYC
