SARANDË-Tre të miturit e aksidentuar mbrëmjen e së martës, 21 nentor 2023, në aksin rrugor Stjar-Bakaj janë transportuar drejt spitalit të Traumës për trajtim më të specializuar.
Dy të miturit 13 dhe 14 vjeç gjatë mesnatës u dërguan drejt spitalit të Traumës, ndërsa 14 vjeçari i cili ka drejtuar makinën në gjendje më të rëndë është transportuar me helikopter drejt ‘Traumës’ gjatë orëve të para të mëngjesit.
Pas mbërritjes në spitalin e Traumës, gjendja e të miturve u stabilizua.
Ndërsa në vijim të veprimeve proceduriale, policia ka arrestuar babain e 14 vjeçarit, pronarin e makinës Orest Kalo 41 vjeç, i cili i kishte dhënë makinën të miturit. Ky i fundit u procedua gjithashtu në gjendje të lirë për shkak të moshës.
Akaidenti ndodhi mbrëmjen e djeshme kur 14 vjeçari po drejtonte automjetin tip ‘Benz’ humbi kontrollin e mjetit dhe për pasojë makina përfundoi në përrua. Si pasojë e aksidentit mbeti i plagosur rëndë shoferi 14 vjeçar dhe 2 shokët e tij.
Është arrestuar 41 vjeçari Orest Kalo, pronari i mjetit tip “Benz” me të cilin qarkullonin 3 të miturit që u aksidentuan mbrëmjen e djeshme në aksin Stjar-Bakaj.
Gjithashtu është marrë masa ndjekje në gjendje të lirë për djalin e tij, Orgest Kalo 14 vjeç i cili drejtonte mjetin.
Mësohet se gjendja e tre të rinjve që u transportuan në spitalin e Traumës tani është e qëndrueshme.
"Në vijim të informacionit paraprak të dhënë mbrëmjen e djeshme, për një aksident rrugor në afërsi të fshatit Bajkaj, si pasojë e të cilit u dëmtuan 3 shtetas të mitur (drejtuesi i automjetit dhe 2 pasagjerët, të cilët vijojnë të jenë në kujdesin e mjekëve), ju informojmë se: Në përfundim të veprimeve hetimore për këtë rast, specialistët e Qarkullimit Rrugor të Komisariatit të Policisë Sarandë arrestuan shtetasin O. K., 41 vjeç, banues në Delvinë, pasi i ka dhënë për ta drejtuar, djalit të tij të mitur, automjetin që u përfshi në këtë aksident rrugor. Gjithashtu, u referuan materialet në Prokurori për shtetasin e mitur, drejtues të automjetit, për veprën penale “Shkelja e rregullave të qarkullimit rrugor” informoi policia
