Pllakat e Sarandës, të cilat janë pjesë e memories së qytetarëve të Sarandës, por dhe mijëra pushuesve që kanë pasur rastin të pushojnë dhe bëjnë plazh janë hequr nga lista e Monumente të Natyrës.
Këtë e konfirmon edhe përgjegjësi i Agjensisë Rajonale të Zonave të Mbrojtura Vlorë Nexhip Hysolako, i cili thotë se vendimi është marrë nga qeveria në Mars të 2021-shit. Heqja nga lista e monumenteve të natyrës ka shqetësuar edhe ambientalistët në qytetin bregdetar, duke e cilësuar veprim absurd, pasi monumenti ekziston.
“Është bërë gabim nga zyra pa parë terrenin. E vërtetë që pllakat e Sarandës si monument natyre është tkurrur gjatë trazicionit, por në fund të fundit nuk është zhdukur krejt. Kemi 120 metër linear, është zona ku jemi ne sot, është territori i pllakave, është prezent”, tha Shkëlqim Hajno, ambientalist.
Shkëlqim Hajno kërkon nga Ministria e Mjedisit kthimin e "Pllakave të Sarandës" në listën e monumenteve të Natyrës, pasi heqja e mbrojtjes rrezikon plazhin nga ndërtimet dhe ndërhyrjet e paligjshme.
“Nëse ministria e Mjedisit i heq një nga një monumentet se nuk i menaxhon dot është vendim i dëmshëm dhe duhet riparë. Ne si agjenci do të bëjmë një kërkesë bazuar në studime që ta rikthejnë në listën e monumenteve të natyrës”, tha Shkëlqim Hajno, ambientalist.
Pllakat e Sarandës ishin futur në listën e monumenteve të natyrës në vitin 2002.
A.M.//ReportTv.alKomente
Edhe nje femije e kupton qe po i vijne verdalle per te grabitur plazhin ,prisni dhe do ta degjoni se dikush mund ta kete trasheguar nga gjyshi,osé ja Kane bere dhurate ne dasem
Përgjigju