Sarandë- Një 22 vjeçare ka goditur me thikë në shpatull bashkëshortin e saj pas një sherri mes tyre.
Ngjarja u shënua rreth orës 17:30, në banesën e tyre, në lagjen nr.2 në Sarandë.
Për pasojë është plagosur 28 vjeçari L.Z i cili është transportuar në spital ku po merr ndihmën e nevojshme mjekësore.
Shtetasja A. Z., 22 vjeçe dyshohet se gjatë një konflikti për motive të dobëta, ka goditur me mjet prerës, në zonën e shpatullës, bashkëshortin e saj, shtetasin L. Z., 28 vjeç, i cili aktualisht ndodhet në spital, jashtë rrezikut për jetën, informoi policia e Vlorës.
Ndërkohë policia ka shoqëruar në komisariat të renë e identifikuar si A.Z dhe po vijon puna e grupit hetimor për sqarimin e plotë të rrethanave të ngjarjes.
B.V//ReportTv.al
Komento
