Presidenti amerikan Joe Biden dënoi të dielën sjelljen “provokative” të Koresë së Veriut dhe i përshkroi Japoninë dhe Korenë e Jugut si “si aleatë kritikë të SHBA-së”.
Duke folur përpara një takimi trepalësh me kryeministrin japonez Fumio Kishida dhe presidentin e Koresë së Jugut, Yoon Suk-yeol në samitin e Shoqatës së Kombeve të Azisë Juglindore (ASEAN) në Phnom Penh të dielën, Biden theksoi se marrëdhënia e Uashingtonit me Japoninë dhe Korenë e Jugut “është shumë herë më e rëndësishme se sa ka qenë ndonjëherë”.
Biden tha se treshja e liderëve botërorë do të diskutojnë zgjerimin e mbështetjes së koordinuar në Ukrainë, duke punuar drejt “qëllimit të përbashkët” të një “Indo-Paqësor të lirë dhe të hapur”, çështjet e zinxhirit të furnizmit dhe si të ruhet paqja dhe stabiliteti për Tajvanin.
Si Biden ashtu edhe kryeministri japonez Fumio Kishida i shprehën ngushëllimet Koresë së Jugut për paradën e Halloween-it që vrau qindra njerëz. Kishida tha se ishte “jashtëzakonisht në kohën e duhur” që të tre liderët të takoheshin, me më shumë teste raketore bërthamore nga Koreja e Veriut që priten së shpejti.
Presidenti i Koresë së Jugut, Yoon Suk-Yeol tha se zhvillimet aktuale në Gadishullin Korean “kërkojnë nivelin më të të fortë të bashkëpunimit tonë trepalësh”. Ai shtoi se Koreja e Veriut ka lëshuar rreth 50 raketa që kur ai mori detyrën në maj dhe ka rritur agresionin e saj në tetor.
"Në një kohë kur koreano-jugorë janë në pikëllim të thellë, Koreja e Veriut vazhdon provokimet e saj”, tha Suk-Yeol.
Kishida njoftoi se Japonia do të mbajë një samit special me ASEAN në dhjetor 2023. ASEAN është një bashkim i 10 vendeve të Azisë Juglindore që promovon bashkëpunimin diplomatik për çështjet ekonomike, politike dhe të sigurisë.
S.S/ReportTv.al