Rregullatori i mediave në Rusi, ka bërë të ditur se do të ngadalësojë shpejtësinë e Twitter, duke akuzuar kompaninë e mediave sociale amerikane për dështimin për të hequr 3,000 postime "të ndaluara". Vëzhguesi tha se po ulte shpejtësinë e faqes në të gjithë telefonat në Rusi dhe në gjysmën e pajisjeve jo telefonike. Sipas tyre masa ishte një përpjekje e qeverisë "për të mbrojtur qytetarët rusë.
Twitter përdoret gjerësisht nga kundërshtarët e Kremlinit dhe Presidenti Vladimir Putin ka akuzuar mediat sociale në konkurrencë me qeveritë. Në kohën që vendimi hyri në fuqi, faqja e internetit e vëzhguesit dhe e Kremlinit ra. Arsyeja për përçarjen nuk ishte e qartë, por zyrtarët e vëzhguesve të medias thanë se nuk kishte lidhje me veprimin kundër Twitter.
Përdoruesit rusë të Twitter thanë se kishin filluar të kishin vështirësi për të parë fotografitë dhe videot, pati gjithashtu raporte në lidhje me shpejtësinë e rrjetit. Twitter është faqja e gjashtë më e madhe e mediave sociale në Rusi dhe përdoret gjerësisht nga figurat e opozitës përfshirë Alexei Navalny, i cili u burgos në janar në kthimin e tij në Rusi pas trajtimit që mori në Gjermani, pasi ishte helmuar në gushtin e vitit të kaluar me Novichok.
Presidenti i dha vëzhguesit të medias fuqinë për të bllokuar platformat e mediave sociale nëse ato "diskriminojnë" mediat ruse. Roskomnadzor paralajmëroi Twitter se nëse nuk arrin të fshijë 3,000 postime që përmbajnë material "të paligjshëm", atëherë mund të bllokohet plotësisht. Ai përmendi përmbajtje që përmban pornografi për fëmijë, ato që nxisnin vetëvrasjen e të miturve si dhe informacion mbi përdorimin e drogës.
Moska ka bërë përpjekje t’i frenojë platformat e mediave sociale në vitet e fundit, për shkak të protestave në rritje të qytetarëve, veçanërisht të të rinjve rusë. Më 1 shkurt, në Rusi ka hyrë në fuqi një ligj që thotë se rrjetet sociale duhet ta fshijnë përmbajtjen e ndaluar me ligjet ruse.
.
