Kreu demokrat Lulzim Basha, pas takimit me taksistët në Tiranë, në një deklaratë për media ka folur për rritjen e pagave të mjekëve dhe infermierëve nga kryeministri Edi Rama, duke e quajtur një tjetër premtim që sipas tij nuk do të mbahet.
"Konsumi ka rënë, i ka shtyrë në kufijtë e mbijetesës. Këto probleme te taksistëve sot janë të të gjithë sipërmarrjes së vogël. Paratë e ndara me oligarkët të nxirren dhe të shkojnë aty ku ka më shumë nevojë qytetari.
Shikoni, premtime të pambajtura të këtij kryeministri dhe qeverie kemi kaq shumë saqë do t'u duheshin shumë orë. I gjendur pranë një bilanci shumë negativ ky njeri s'ka rrugëdalje dhe përsërit të njëjtat premtime të pambajtura. Për shtatë vite me rradhë nuk ka patur asnjë rritje page. Nuk mendoj se Shqiptarët sot presim që dikush që s'ka mbajtur premtime për kaq kohë t'i mbajë tani", tha Basha.
Sa i përket raportit të KE-së për integrimin e vendit tonë në BE, Basha ka refuzuar që ta komentojë, duke thënë se do të flasë në takimin që do zhvillojë sot me Komisionerin për Zgjerim Oliver Varhely.
"Do kem një takim sot me komisionerin. Ta bëjmë takim njëherë pastaj të flasim për qëndrimin", shtoi ai.
Komente
ikne burg o hajdut vrases ....kur te vi un ..... ti burgun ke o krimb
PërgjigjuSelam aleko z. Basha.