ROMË - Një 39-vjeçar shqiptar dhe një 58-vjeçar italian janë arrestuar nga policia pasi shkatërronin makina të vjedhura dhe më pas pjesët shisnin.
Policia ushtroi kontrolle në servisin e 58-vjeçarit italian me iniciale G.P., dhe 39-vjeçarit shqiptar me iniciale D.R. në Romë ku gjetën disa makina që ishin raportuar të vjedhura. Ato ishin totalisht të dëmtuara dhe ishin ndarë pjesë-pjesë.
Në momentin e arrestimit, ata ishin duke punuar, duart i kishin me graso dhe ishin të veshur me rroba pune.
Mediat italiane bëjnë me dije se servisi i tyre ishte i ndarë në dy pjesë, ajo që u prezantohej klientëve si dhe pjesa ku bëhej demontimi dhe prerja e automjeteve të vjedhura.
Njëra nga makinat e gjetura kishte pjesën e përparme, rrotat dhe sediljet e hequra, ndërsa dy makinat e tjera ishin larguar që aty.
Menjëherë policia sekuestroi kaçavida, pajise që përdoreshin për prerjen e makinave si dhe arrestoi dy personat në vendngjarje.
Ata akuzohen për “pastrim parash”, si dhe “çmontim automjetesh të vjedhura”.
E.M./ReportTv.al