Roma fitoi dje 1-0 me Hellas Verona për javën e 23-të në Serie A. Ndeshja u vendos nga goli i Solbakken në minutën e 45-të. Pas ndeshjes trajneri Jose Mourinho tha se tifozët duhet të mbështesin skuadrën në një moment të tillë dhe jo të kontenstojnë.
“Ishte një stadium plot, i tejmbushur. Por ndonjëherë kjo të vendos edhe në vështirësi. Më vjen shumë keq që dëgjova vërshëllima në gabimin e parë, unë jam 60-vjeç dhe kam fituar në karrierë ndaj nuk është se kam nevojë për komplimenta, por kjo skuadër ka nevojë për mbështetje", tha portugezi.
Më pas Mourinho u ndal te forma e Bova, që sipas tij e do më shumë ekipin se disa tifozë që shkojnë në stadium vetëm për fërshëllima.
S.DH/ReportTv.al"Kanë nevojë për fjalë të bukura, Bove u kontestua por ai e do Romën më shumë se një pjesë e mirë e tifozëve që ishin në "Olimpico". Gjithsesi, në fund të sezonit do të flas pak më shumë për këtë temë. Fitorja ndaj Veronës i përket të gjithëve sepse qëndruam të bashkuar në fushë.
Mungonte Dybala, humbëm Abraham dhe luajtëm mirë përballë një skuadre që të vendos në vështirësi. Më pëlqeu sakrifica e lojtarëve në fushë dhe pesë apo gjashtë prej tyre luajtën edhe në mesjavë. Sërish them që skuadra ime nuk merr asnjëherë meritat që i meriton”, u shpreh Mourinho.
