Federata Shqiptare e Futbollit ka bërë me dije se së shpejti do të nisë implementimin e sistemit teknologjik VAR edhe për disa nga ndeshjet e Kategorisë së Parë.
Përfshirja e sistemit VAR (video assistant referee) edhe në ndeshjet e kësaj kategorie ka qenë një objektiv i hershëm i FSHF-së ndërkohë që ky sistem përdoret në Superiore që prej sezonit 2021-2022 dhe tashmë përdoret rregullisht prej tre sezonesh ashtu si edhe në Kupën e Shqipërisë, duke filluar që nga faza çerekfinale e deri në finalen e madhe.
FSHF është duke bërë përgatitjet e fundit që përfshirja e sistemit VAR të nisë menjëherë në pjesën e dytë të sezonit për disa ndeshje të Kategorinë e Parë. Kështu edhe në nivelin e dytë të futbollit në Shqipëri do ketë më pak aludime për parregullsi nga gjykimi.
S.DH/ReportTv.al