Kategoria e Parë e futbollit në Shqipëria ka zhvilluar sot dy ndeshjet e mbetura për javën e 11-të. Në fushë ka pasur surpriza, teksa bie në sy humbja 2-0 e Flamurtarit në Berat. Tomori është treguar shumë "i lartë" për 90 minuta, teksa djemtë e Arbrit ia dolën të siguronin pikët e plota në shtëpi. Kasmollari në minutën e 41 dhe Fejzaj në minutën e 83 shënuan për Tomorin, teksa ndeshja ka qenë e revoltuar teksa janë dhënë tre kartona të kuq. Muça te Tomori dhe Bicaj e Fernandinho te Flamurtari dolën nga loja para kohe. Flamurtari humbet mundësinë për të ndjekur Dinamon kryesuese, me "Nëndetësen" që është në krye e vetme me 24 pikë.
Në ndeshjen tjetër të zhvilluar në stadiumin e Lezhës, Besëlidhja vendase humbi 1-2 me Apoloninë. Miqtë nga Fieri kaluan në avantazh me Maksutin në minutën e 33, teksa Bruka barazoi për vendasit në minutën e 38. Në fundin e ndeshjes dhe konkretisht në të 83 minutë ishte radha e Asllanaj që me golin e tij i dha tri pikë Apolonisë. Ndeshja u luajt sot pasi dje ishte e pamundur për shkak të përmbytjeve.
Pas javës së 11-të Dinamo kryeson me 24 pikë, Flamurtari ndjek me 21 pikë ndërsa Skënderbeu, Korabi, Besa dhe Luzi janë në zonën play-off. Në fund Burreli, Besëlidhja, Lushnja dhe Turbina.
VIDEO - Tomori 2-0 Flamurtari
Renditja:
