TIRANË- Një 47-vjeçar nga Anglia është vënë nën hetim pasi vodhi çantën e dorës të një personi në Rinas. Pas njoftimit, u kryen kontrolle në aeroport ku më pas u bë e mundur kapja e tij , ku iu gjet dhe çanta e dorës në të cilën ndodheshin sendet personale të personit të cilit ai ia kishte vjedhur. 47-vjeçari akuzohet për veprën penale “Vjedhja”.
Po ashtu, 2 persona janë vënë nën hetim pasi tentuan të kalonin në pikën kufitare të Rinasit duke paraqitur dokumente të falsifikuara. Gjatë kontrollit të bagazheve të tyre u gjetën edhe dokumente të tjera të falsifikuara.
Personat të cilët janë vënë nën hetim janë: një 49-vjeçar me iniciale Xh. J., nga Suhareka e Kosovës dhe një 38-vjeçar me iniciale K.R, nga Lushnja Ata akuzohen për veprat penale “Falsifikimi i letërnjoftimeve, pasaportave ose i vizave” dhe "Falsifikimi i vulave, i stampave ose i formularëve”.
S.C/ReportTv.al