Ministria e Arsimit vendosi që studentët që diplomohen të kthehen në auditore gjatë muajit qershor.
Por si e kanë pritur këtë vendim vet studentët? Për Report Tv, dy studente të gazetarisë, viti i dytë master, tregojnë se ndihen të rrezikuara që të rikthehen në auditore ndërkohë që ende vijojnë të konfirmohen raste me Covid-19.
Rovena Bogdani, studente e Gazetarisë dhe Komunikimit, viti i dytë master në Universitetin e Tiranës është shprehur se mësimi online po ecën mirë përmes dy platformave si Google Meet dhe Google Clasroom, por ka vështirësi në lidhje me mungesën e internetit.
"Lidhur me rikthimin e studentëve në universitete, mendoj se do të paraqiste rrezik, pasi jemi duke parë çdo ditë raste të reja. Frekuentimi i objekteve të përbashkëta do të përbënte rrezik dhe nuk e di se nëse infektohemi mbi kë do të binte kjo përgjegjësi. Do të ishte mirë një reduktim i tarifës, pasi jemi në një krizë dhe shumica prej prindërve janë pa punë", ka thënë ajo.
Një studente tjetër e Universitetit të Tiranës është edhe Sara Demushi, e cila studion për Gazetari dhe Komunikim në vitin e dytë master.
"Mendoj se është një mendim i përshpejtuar, pasi numri i të infektuarve ndryshon çdo ditë. Mendoj se provimet duhet të mbahen online, periudha e përcaktuar nuk është e përshtatshme. Para dy javësh kemi bërë një provim online dhe rezultoi i suksesshëm. Personalisht ndjej frikë të kthehem në auditor", është shprehur ajo.
//ReportTv.alKomente
MOS shkoni ne auditore se do e hani….
Përgjigju