Gjermania përsëri është përballur me stuhi dhe reshje të dendura, sidomos në rajonin juglindor të Bavarisë. Ekipet e emergjencës u desh të ndërhynin në disa raste. Autoritetet lokale në Bavari njoftuan se rreth 70 litra shi për metër katror ranë brenda një ore në qytezën Sonthofen.
Autoritetet u detyruan që të ndërhynin edhe në pjesën veriore të Gjermanisë. Në Kiel, brigada e zjarrfikësve raportoi për më shumë se një mijë ndërhyrje gjatë mbrëmjes.
Përmbytje të mëdha ka pasur edhe në Itali, në provincën e Como-s, ku rrugët u mbuluan nga balta. Mijëra shtëpi u pëmbyten dhe shumë qytetarë u larguan nga zona.
Ndërkohë që në autostradën A1 që lidh Parmën me Piacenzën, janë bërë virale imazhet e rrëvbeshit dhe stuhisë, aq e fuqishme që në disa raste ka thyer edhe xhamat e makinave. Ndërkohë që edhe rruga që lidh Italinë me Zvicrën është mbyllur.
Një stuhi e fortë e ndjekur nga breshëri goditi dje Italinë Veriore. Zona përreth Parmës është më e goditura. Breshëri arriti madhësinë e topave të tenisit, akulli theu pemët, shkatërroi çatitë e shtëpive dhe makinat. Është raportuar për dëmtime miliona dollarëshe në shtëpi, ara, vreshta, plantacionet .
Përmbytje kishte edhe në Austri ku hekurudha mes qytetit Rosenheim dhe Salzburgut të Austrisë u mbyll përkohësisht për shkak të trungjeve të rrëzuar mbi binarë. Hekurudha u rihap më vonë, por pati vonesa në nisjen e trenave, shkruan Der Spiegel.
Në Rastatt të rajonit jugperëndimor, Baden-Wuerttemberg, një dru u rrëzua gjatë stuhisë dhe la të lënduar katër persona. Njëri prej tyre është në gjendje serioze.
Kod Firenze.. pic.twitter.com/8nKuqhCy5B
— Jasminko Umićević (@JUmicevic) July 27, 2021
