PËRMET- Për aventurierët e sporteve ekstreme, Përmeti është destinacioni i duhur. Turistët e shumtë rendin në rrjedhën e Vjosës për të provuar eksperiencën unike të rafting. Nga qyteti përshkojnë rrugën 10 km deri në Çarçovë, ku ndodhet i vetmi stacioni për gomonet. Një grup turistësh të huaj po bëhen gati të sfidojnë dallgët e Vjosës së egër.
Aventuristët përshkojnë me gomone lumin nga Përmeti deri në Këlcyrë me një gjatësi gati 20 km. Rrjedha është e qetë në disa vende dhe e tërthortë në vende të tjera me thellësi më të madhe. Turizmi i aventurës gërshetohet shumë mirë në Përmet me traditën, kulinarinë e mikëpritjen.
Turistët kanë mundësi të shumta zgjedhjeve pasi bujtina e restorante janë hapur rishtazi, por ne zgjodhëm t'ju prezantojmë Aleksandër Taçin i cili është kthyer nga emigrimi pas 25 vitesh për të investuar në vendlindje. Zhvendosemi në kuzhinë, ku bashkëshortja e Aleksandrit ka përgatitur një ëmbëlsirë dhe plot gatime të tjera tradicionale.
Për të shijuar kuzhinën tradicionale, për tu njohur me historinë por mbi të gjitha për të provuar eksperiencën e pakrahasueshme të rafing në Vjosë duhet të përfshini Përmetin në destinacionet e verës.
B.K.//ReportTv.al
