TIRANË- Gjykata e Tiranës ka lënë në 'arrest shtëpie' teknikun e ashensorit që ra pak ditë më parë në një pallat në Astir, Dëfrim Shabanin. Gazetari i Report Tv Arsen Rusta mëson se para gjykatës ai ka deklaruar se e tre ditë para se të ndodhte aksidenti e ka rregulluar ashensorin dhe se nuk ishte faji i tij.
Për të nxjerrë shkaqet e aksidentit dhe përgjegjësinë penale, prokuroria ka kërkuar 1 muaj afat për kryerjen e veprimeve hetimore si dhe një muaj burg për teknikun e ashensorit. Por kërkesa për lënien në burg të teknikut është rrëzuar nga gjykata.
Ngjarja ndodhi më 12 shtator, ky 2 gra mbetën të plagosura pasi ra një ashensor nga një pallat në zonën e Astirit në Tiranë. Sipas policisë, rënia e ashensorit ndodhi pak minuta pas mesnate dhe të 2 gratë u dërguan për në spital, ku njëra ndodhet në Spitalin e Traumës, jashtë rrezikut për jetën, ndërsa tjetra është rikthyer në banesë.
Ato kanë qenë brenda ashensorit, kur kabulli i tij është shkëputur dhe është përplasur me fuqi në katin e parë. Njëra prej të plagosurave është shtatzënë. Lidhur me këtë ngjarje u arrestua tekniku i mirëmbajtjes dhe kontrollit të ashensorëve të pallatit, Dëfrim Shabani, ndërsa u vendos në procedim në gjendje të lirë vëllai i tij, Dritan Shabani i cili është administratori i firmës së mirëmbajtjes.
M.Q./ReportTv.al