Mbrëmja e Europa League e cila do të fillojë sonte me fillim në orën 18:45 mund të jetë vendimtare për të gjithë futbollin italian. Në lojë është renditja e UEFA-s dhe mundësia për të dërguar pesë skuadra italiane në Ligën e Kampionëve të sezonit të ardhshëm, kompeticion me format të ri.
Për momentin Italia është në komandë me 15.142 pikë, kjo pas barazimit të Napolit 1-1 me Barcelonën, një avantazh të qartë ndaj Gjermanisë (14,071) dhe Anglisë (13,875 pikë).
Rezultatet e Milanit dhe Romës do të jenë thelbësore. Përveç çdo suksesi individual në dy ndeshjet e planifikuara, triumfi mund të rritet falë pikëve të siguruara për kalimin në fazën e 1/8 të kompeticionit.
Në këtë kuptim, Roma-Feyenoord duke pasur parasysh ekuilibrin 1-1 pas ndeshjes së parë në Holandë, mund të rezultojë të jetë ndeshja e mbledhjes së pikëve për Ligën italiane.
Kujtojmë se në renditjen speciale që gjeni më poshtë, dy pozitat e para kanë më shumë peshë. Në këtë kuptim gara e futbollit italian është me Anglinë, aktualisht në vendin e tretë.
Për më tepër, Italia është e vetmja, së bashku me Francën, si Federatat më të mira që kanë ende në garë të gjitha ekipet e tyre: Inter, Milan luan sot me Rennes, Napoli, Lazio, Fiorentina, Roma luan kundër Feyenoord dhe Atalanta.
RENDITJA 2023-2024
1) Italia – 15,142 pikë (një vend shtesë në Champions League)
2) Gjermania – 14,071 pikë (një vend shtesë në Champions League)
3) Anglia – 13,875 pikë
4) Spanja – 13,062 pikë
5) Franca – 12,250 pikë
6 ) Republika Çeke – 12,000 pikë
7) Belgjika – 11,800 pikë
8) Turqia – 11,000 pikë
S.DH/ReportTv.al