Ish-ministri i Financave dhe Ekonomisë, Arben Malaj përmes një postimi në rrjete sociale ka komentuar deklaratat e bëra nga avokati Spartak Ngjela i cili ka folur për periudhën e trazirave të 1997-ës, kohë kur lideri i PS-së Fatos Nano u burgos.
Në një intervistë për Report Tv Spartak Ngjela kujtoi takimin e parë me Nanon kur ishte në burg, ndërsa rrëfeu se dërgoi makinën e tij në Burgun e Tiranës për ta nxjerrë e për ta çuar të sigurt deri në shtëpinë e tij.
Ish-ministri Malaj thotë se Fatos Nano ndonëse e dinte që jeta e tij ishte në rrezik nuk pranoi që të arratisej nga burgu, kurse Ngjela, i cili asoj kohe mbante postin e ministrit të Drejtësisë, sipas Malajt, kontribuoi në menaxhimin e kësaj situate kritike.
Postimi i Arben Malajt:
Ministri Drejtesise Ngjela ka kontribute ne menaxhimin e asaj situate kritike. Nano nuk pranoi te arratisej nga burgu. Situata po behej e rrezikshme per jeten e tij. Fillimisht ishte transferimi me helikopter nga burgu Bences ne Tepelene ne Burgun e Tiranes. Burgu u shperthye dhe te burgosurit u arratisen gati te gjithe. Nano dergoi mesazh se nuk do te arratisej edhe pse jeta e tij ishte ne nje risk te madh dhe real. Nano qartesoj se do dilte vetem kur te aplikohej amnistia. U desh nderhyrja e ish Kryeministrit Fino dhe Ministrit Ngjela qe e binden ish presidentin Berisha te shpallte amnistine. Vetem atehere Nano dhe Ramiz Aliaj pranuan te dilnin nga burgu.
Impakti i dyte i avokatit Ngjeles ishte aplikimi i bonusit per rikthimin e te burgosurve qe u arratisen gjate shperthimit te burgjeve. Parimi i aplikimit te incentivave ne vend te penaliteteve te rritura duhet te jete ne themelet e politikave qeverisese. Situaten e rrezikshme nga shperthimi i burgut te Tiranes e menaxhuan me shume perkushtim dhe profesionalizem Ndre Legisi, sekretar shteti ne Ministrine e Brendeshme dhe Sokol Bare te harmonizuar me Ministrin Ceka dhe koleget e tjere. Historia duhet njohur dhe mbrojtur ne vertetesine e saj, sidomos ajo e momenteve te veshtira te mbijeteses se shtetit.
M.Q./ReportTv.al