Gjykata e Apelit ka refuzuar ankesën e ish-presidentit të Kosovës Hashim Thaçi për lirimin nga paraburgim. Lajmi u bë i ditur përmes njoftimit të publikuar në faqen zyrtare të Dhomave të Specializuara.
Dhoma, në vendimin e saj shprehet se arsyet e paraburgimit të tij ende qëndrojnë, dhe ekziston rreziku i arratisjes, dyshimi se ai mund të ndërhyjë në procedurë dhe rreziku i kryerjes së krimeve të mëtejshme.
“Më 22 gusht 2022, Paneli i Gjykatës së Apelit hodhi poshtë apelin më të fundit nga Hashim Thaçi kundër vendimit të Gjykatësit të Procedurës Paraprake, në të cilin urdhërohet vazhdimi i paraburgimit të tij”, thuhet në këtë njoftim.
Prokuroria e Specializuar më 29 prill ka paraqitur një aktakuzë të ndryshuar kundër Thaçit, Kadri Veselit, Rexhep Selimit dhe Jakup Krasniqit, në të cilën pretendohet se kanë kryer krime lufte në Gjilan, Budakovë dhe Semetish. Ata janë arrestuar në Hagë që nga nëntori i vitit 2020.
S.C/ReportTv.alKomente
"Akuzat" kane burimin nga klanet politike kosovare,shqiptare,serbe dhe ruase te cilat jane kondezuar ne Gjykaten politike nderkombetare te Hages,ku jane grumbulluar shpifjet e sajimet nga ata qe UCK,ja ua prishi rehatine e bashkejeteses me serbet, e jo te krimeve reale,por kunder lirise shqiptare dhe clirimitte Kosoves, Mrekulli shekullore per shqiptaret e kesaj hapesire kombetare,
PërgjigjuResoluta e Edvin tradhtarit i ndihmojn shumë
Përgjigju