Sezoni i ri i reality show -t të famshëm holandez, "I infiltruari" është xhiruar në Shqipëri. Janë plotë 12 seri që janë xhiruar në Shqipëri duke promovuar bukuritë e vendit si dhe duke paraqitur për publikut holandez një Shqipëri krejt tjetër nga ajo e stereotipit të krijuar për shqiptarët.
Lajmi është bërë i ditur nga kryeministri Rama, i cili shkruan se vendi do të ketë një boom turistësh holandezë në sezonin e ardhshëm.
"U zbulua sot në Holandë sekreti i sezonit të ri të reality show -t të famshëm holandez, "I infiltruari", i cili këtë vit është xhiruar në vendin tonë me plot 12 seri, që janë promovimi më fantastik i bukurive magjepsëse të vendit tonë dhe do t'i tregojnë publikut holandez një Shqipëri krejt tjetër nga ajo e stereotipit të krijuar në kaq shumë vite për atdheun e shqiptarëve.
Kur trupa e xhirimit erdhi në Shqipëri për hulumtime, mundësia që vendi ynë të zgjidhej ishte fare e vogël, por në fund të qëndrimit të tyre pak ditor këtu, ata ishin 100% të bindur për Shqipërinë si vendi ideal për spektaklin e tyre. Shkurt llafi, përgatituni për një dallgë të pazakonshme turistësh holandezë sezonin e ardhshëm", shkruan Rama.
