Në mbledhje, kryeministri Edi Rama përsëriti rëndësinë e digjitalizimit, ndërsa shtoi se amnisia nuk duhet të përdoret si shteg për kriminelët dhe të korruptuarit.
"Jemi vendi më cash në Europë. Kjo është një e dhënë që duhet të na fokusojë tek 'pse'-të dhe si-të. Kemi një problem të trashëguar që nga dita e parë e hyrjes në sistemin e ekonomisë së tregut dhe hapjes së vendit që është informaliteti i madh i parasë në një vend ku për 50 vjet dy ishin gjërat që u goditën më fort, kredia si koncept dhe taksat.
Një pjesë e madhe e popullsisë së rritur i ka të rrënjosura në kokë ende sot e të gjithë ditën si pengesë për të kuptuar sistemin e ri këto 2 pika. Prandaj marrëdhënia me bankat është jo e natyrshme e të gjithëve dhe pagimi i taksave është problem ekstra tek të gjithë. Ne na duhet të ecim përpara me amnisti fiskale, e cila ka mbështetjen e shumicës dërrmuese të shqiptarëve dhe duhet strukturuar me shumë profesionalizëm në cdo detaj në mënyrë që të garantohet i gjithë ekuilibri i domosdoshëm që duhet mbajtur mes nevojës së madhe që aministia të mos përdoret si shteg, si rrugë për kriminelë dhe të korruptuar.
Nga ana tjetër, na duhet të vazhdojmë me shpejtësi trasnformimin sistemik dhe ta shfrytëzojmë teknologjinë se është bekimi i vendeve si vendi ynë, të cilat në kushte të tjera do i ishin dashur kushedi sa dekada që tani e bëjnë për 2-3-4 vjet falë teknologjisë. Jemi në kushtet e zhvillimit eksponencial dhe është bekim për ne", tha Rama.
Lajmi kryesor:
Revolucion digjital edhe për 11 banka të nivelit të dytë! Rama Shërbimet online janë "ku thërret qameti!" Të marrin fund radhët, të bëhen pagesat si me e-Albania
A.M./ReportTv.al