Rruga e Arbërit po merr formë. Kryeministri Edi Rama ka publikuar pamjet nga ura "Fshat", ku kalon "Rruga e Arbrit", ndërsa kërkon edhe pak durim për ndërtimin e kësaj të fundit.
Rama shkruan se ura "Fshat" është ura më e lartë në Shqipëri (157 m) dhe një nga më të lartat në rajon, ndërsa shton se me përfundimin e kësaj ure dhe me ndihmën e baypasit të Murrizit, tanimë i gjithë aksi i rrugës së Arbrit është i lidhur
"Rruga Arbërit, Ura Fshat
Ja edhe ura më e lartë në Shqipëri (157 m) dhe një nga më të lartat në rajon!
Për këtë vepër shumë komplekse u desh të hapen fillimisht, tuneli 3 dhe 4, që pastaj të ngriheshin themelet e saj.
Me përfundimin e kësaj ure dhe me ndihmën e bajpasit të Murrizit, tanimë i gjithë aksi i rrugës së Arbrit është i lidhur
Edhe pak durim dhe ëndrra 100 vjeçare e dibranëve do të jetë realitet i prekshëm nga të gjithë", shkruan Rama.
//ReportTv.al
