KAMËZ- Refuzimi i ftesës së bërë në Report Tv të kryedemokratit, Lulzim Basha, për kryeministrin Edi Rama është një tregues i qartë që ai nuk ndahet dot nga Ilir Meta dhe Sali Berisha, që i ka quajtur një grup interesaxhinjsh. Nga Kamza, Rama tha se ai është një lider i vërtetë me karakter, i cili në ndryshim nga Basha, është i gatshëm që për Shqipërinë të hedh pas krahëve edhe politikën e 30 viteve, ku PD-PS kanë qenë historikisht në dy pole krejtësisht të kundërta.
Rama nuk i ka kursyer ironitë edhe gjatë krahasimit të programeve elektorale të 2 partive, PD-PS. Ai tha se në 25 prill, shqiptarët kanë 2 opsione zgjedhjes, nëse duan që “t’u bien paratë nga qielli’, duhet të votojnë Lulzim Bashën, e ndërsa duan që të bëhet sipërmarrës në tokat e gjyshërve dhe stërgjyshëve të tyle, duhet të votojnë PS-në. Këtu i referohet pikës së programit të socialistëve ku i ofrohen 5000 euro grant për emigrantëve që kthehen në atdhe për të investuar në tokat e tyre.
Një përgjigje ka pasur edhe për ata që refuzojnë të votojnë në 25 prill, apo që shprehen se nuk u intereson politika. Për Ramën, është pikërisht politika ajo që mund të bëjë jetën e një qytetari të mirë ose të keqe.
Kryeministri Edi Rama i ka kthyer sërish përgjigje kryedemokratit Lulzim Basha, pasi ky i fundit i refuzoi ftesën për bashkëpunim pas 26 prillit, të bërë në Report Tv.
“Ai është udhëndjekësi i Saliut dhe Ilirit se unë për Shqipërinë dhe shqiptarët jam i gatshëm që të shkoj përtej ndasive të 30 viteve, por që ta bësh këtë duhet të jesh lider, udhëheqës, duhet të kesh forcën e karakterit, vizionin e të ardhmes, duhet të jetosh së brendshmi me hallet e njerëzve, duhet të rrish pa gjurmë kur njerëzit janë pa çati, apo pa gjumë se kanë ankthin si do të dalin nga pandemia”, tha Rama.
Kryeministri Edi Rama tha se në 25 prill, shqiptarët kanë 2 opsione për të votuar, ose “për të marrë lekë duke ndjenjat” dhe këtu thotë se i referohet premtimit të PD-së, ose të bëhen sipërmarrës.
“Ose votoni për Lulin dhe prisni të merrni lekë dhe të rrini duke menduar se jeta është qejf, ose t fillojnë dhe të mendojnë bashkë ne nënë dhe babën se si mund të jenë ato familje që do të shkojnë te shtëpia e stërgjyshërve të tyre dhe do të bëhen sipërmarrës me ndihmën e pushtetit tonë, që ato dyer të vjetra të hapen dhe të sjellin fitime nga puna, jo nga qielli”, tha Rama.
