TIRANË- Festat e 28-29 nëntorit këtë vit do të jenë edhe një datë e rëndësishme sa i përket investimeve publike. Kryeministri Edi Rama ka bërë me dije se në datën 28 do të hapet kantieri për Aeroportin Ndërkombëtar të Vlorës e ndërsa me datë 29 nëntor, ashtu si kurse e njoftoi edhe më herët, do të hapet qarkullimi në rrugën e Arbrit.
Ministrja e Infrastrukturës, Belinda Balluku, e cila ka shpërndarë të njëjtin postim me kreun e qeverisë, tha se këto vepra të rëndësishme infrastrukturore janë për Shqipërinë e së ardhmes.
"Jemi gati për të vazhduar veprat e rëndësishme infrastrukturore për shqiptarët, për Shqipërinë e së ardhmes", shkruan Balluku.
Më 20 prill u nënshkrua edhe kontrata me kompaninë fituese për ndërtimin e aeroportit të Vlorës, që pritet të ndërtohet brenda 4 viteve të ardhshme dhe do të jetë i tretë aeroport ndërkombëtar në vend. Fitues për ndërtimin e tij u shpall konsorcium kompanish të themeluara në Zvicër, ku pjesa më e madhe e aksioneve 50% zotërohet nga Mabetex, kompania e biznesmenit Behgjet Pacolli, dhe 48% nga YDA Group firma që po ndërton Spitalin e Fierit me bazë në Ankara dhe 2% nga 2A group.
Konsorciumi fitues ofroi një vlerë investimi prej 103.9 milionë Eurosh dhe do të ketë operimin për 35 vjet të pistës së aeroportit. Aeroporti i Vlorës do të jetë edhe baza për flotën e avionëve Air Albania, ndërsa për herë të parë aty do të ketë një zonë të veçantë për mirëmbajtjen e avionëve, një shërbim i ri i kërkuar nga kompani të huaja, i cili do të përkthehet në të ardhura dhe vende pune shtesë për zonën.
Nga ana tjetër, Rruga e Arbrit do të shkurtojë kohën e lidhjes së Dibrës me Tiranën, do të lehtësojë transportin e qytetarëve dhe do krijojë më shumë aksesueshmëri për daljen në treg të produkteve të zonës.
B.K./ReportTv.al
Komente
Pas Vlores shpresojme ta kemi edhe ne Shkoder nje aeroport te tille qe t'na lidhe me Vloren meqe autostrada ngeli enderr.
PërgjigjuNe Shkoder nuk ka interes, sepse eshte ai ne Podgorice dhe nuk ka leverdi. Autostrada Po qe duhet bere sa me pare. Dhe hekurudha, e cila eshte infrastruktura me e rendesishme ne transport. Sepse eshte fare e thjeshte. Nese per te cuar nje kamion mall psh ne Serbi kushton afersisht 4-5 mije euro. Nje tren me te pakten 10 vagone kushton jo me shume se 15-20 mije euro. Pra kamioni kushton gati 10 fishin.
O parruca o zog gomari.....
PërgjigjuBRAVO RAMA....VETEM SHPEJTOI GJERAT QE TE MBAROHEN SA ME SHPEJT,,,,,DUHET MOS HARRO DHE NJE AEROPORT ME SARANDE. .KORCE DHE SHKODER...... DHE AUTOSTRADAT HAN I HOTI T --'-VLORE-SARANDE-'DHE VLORE -KAKAVIJE..TE BEHEN ME TRE KORSI...PO ASHTU DUHET BERE AUTOSTRADA DURRES--QAFE THANE,,,,,ME PAGESE....KETO DUHEN BERE SA ME SHPEJT PA HARRUAR 500 HOTELE DHE RESORTE NE BREGDET....DUKE SHEMBUR PALLATET E SHEMTUARA ATY.....VETEM ME TURIZEM e bujqesi NEVE RROJME SI MBRETER...cfare ka me shume greqia..
PërgjigjuCa u be me ate aeroportin e Kukesit mor aman? Akoma me 2 linja mbeti, Kukes-Zyrih dhe Kukes-Stamboll ? U pompua sa plasi, por ne fund u katandis si kokoshi ne thela, sic e kishin parashikuar njerezit me 2 pare mend. Me qindra milion euro te marra borxh hidhen ne plera ne vepra qe nuk kane asnje interes ekonomik. Ne Shqiperi ka 2 muaj e gjysme sezon turistik, dhe ne keto 2 muaj e gjysme turistet ne mase vijne me makine nga vendet fqinje dhe Europa Lindore. Te ndertosh nje aeroport ne Vlore ne keto kushte eshte nje gomarllek i krahasueshem vetem me ndertimin e aeroportit te Kukesit.
PërgjigjuTe lutem mos harro dhe nje aeroport ne Vermosh, pse te prishet avioni atje me droge kur mund ti plotesojme te gjitha kushtet.