Kryeministri Edi Rama ka zgjedhur të ftojë në episodin e tij të radhës në Podcast, këngëtaren e mirënjohur Elhaida Danin. Kreu i qeverisë gjithashtu ka bërë me dije se të dielën, më 28 maj do të vijë për herë të parë në Shqipëri, spektakli më i shikuar në Evropë “Notre-Dame De Paris”.
Rama thotë se ky moment ishte shumë i mirëpritur dhe me vullnetin dhe këmbënguljen më në fund spektakli do të vijë në Air Albania Stadium në Tiranë së bashku me këngëtaren, Elhaida Danin.
“NOTRE-DAME DE PARIS, spektakli më i shikuar në Europë, me rekorde Guinnes për numrin e ndjekësve të tij, që prej 25 vjetësh vazhdon mbush plot arenat dhe kërkohet nga të gjitha moshat e kategoritë sociale, vjen të dielën më 28 maj në Air Albania Stadium në Tiranë, bashkë me yllin shqiptar, Elhaida Dani”- shkroi Rama.
Ndërkohë, në videon e publikuar nga kryeministri, këngëtarja thotë se Shqipëria e meriton të jetë pjesë e vendeve ku ky spektakël mbush arenat dhe kërkohet nga të gjitha moshat dhe kategoritë sociale.
Notre-Dame de Paris është një muzikal francez i kënduar i cili debutoi më 16 shtator 1998 në Paris . Ai bazohet në romanin Notre-Dame de Paris (i njohur në anglisht si The Hunchback of Notre-Dame ) nga romancieri francez Victor Hugo.
Notre-Dame de Paris, sipas Librit të Rekordeve Guinness, pati vitin e parë më të suksesshëm nga çdo muzikal ndonjëherë. Partitura është regjistruar të paktën shtatë herë deri më sot (2007): albumi origjinal i konceptit francez, i cili shfaqte këngëtarin izraelit Achinoam Nini (aka Noa) si Esmeralda u pasua nga një regjistrim i plotë dhe i drejtpërdrejtë i kastit origjinal të Parisit.
G.MO//ReportTv.alKomente
Nje shfaqe shume e bukur qe duhet pare me patjeter
PërgjigjuSpektakel do dhuroje Elhaida
PërgjigjuNje spektakel me rekord guiness qe vjen per here te pare ne shqiperi
PërgjigjuNje shfaqje qe shqiptaret mezi e kane pritur te realizohet ne shqiperi
PërgjigjuSpektakel mjaft i vecant per nje vend si ky i yni
PërgjigjuPo « Les Miserables » kur do na e sjellesh, mor bandill?
PërgjigjuNuk ka kryeminister ne bote qe merret me publikime muzikalesh. Ky i joni i ka zgjidhur gjithe problemet e popullit siç duket
Përgjigju