Kryeministri Edi Rama ka inspektuar ditën e sotme projektet që janë në zhvillim e sipër në qytetin e Beratit, duke nisur që nga tregu i ri, rehabilitimi i sheshit kryesor deri tek parkimi, fasadat e ndërtesave e ura e re që pritet të ndërtohet.
Gjatë inspektimin, kreu i qeverisë shoqërohej nga Bledi Çuçi, drejtues politik i qarkut si dhe kryebashkiaku Ervin Demo, i cili tha se arritja më e madhe e bërë është rikthimi besimit të qytetarëve për zhvillimin e qytetit.
Rama e konsideroi qytetin si të rilindur pasi po vihen në zbatim një grup projektesh me rëndësi për qytetin, që nga sheshi kryesor mbi parkimin e madh publik, pedonalet e reja, rikualifikimi i ndërtesave, tregu i gjelbër me 120 vende për prodhimet e fermerëve, si dhe ndërhyrje të tjera të cilat pritet të përfundojnë të gjitha në të njëjtën kohë.
Ndërhyrjet u panë si tepër të domosdoshme nga kryeministri edhe për faktin se Berati si qytet i UNESCO-s, është një prej qyteteve me numrin e turistëve gjithmonë e më në rritje. Kujtojmë se vitin e kaluar numri i vizitorëve në qytet ishte mbi 800 mijë persona.
B.V/ReportTv.al
Komente
Mbillni Pemë Autoktone Mesdhetare,Ullinj,Dafina Shegëe Agrume!
Përgjigju