TIRANE- Janë 8 aktorë që duke veshur dhe zhveshur lëkurët e shumë personazheve, rikthejnë komedinë "Ëndrra në papafingo" në Qendrën Kulturore "Tirana" (Teatri Metropolit). Shfaqja u dha mbrëmë në orën 18.00 dhe do të vijojë të jepet në të njëjtën orë të dielën dhe të hënën. "Nëse do të tentonim t'i vinim një emër shfaqjes "Ëndrra në papafngo" do të ishte "multi-komedi", thotë regjisori Isai.
Ngjarjet e komedisë zhvillohen në një papafingo. Aty personazhet kanë dhomën e tyre të gjumit, kanë "sallën e tyre të konferencës", kanë vendin ku "i rrëfehen vetes" (monolog), por e kanë edhe vendin ku mund të tentojnë që të shfaqin ëndrrat dhe dëshirat e tyre që janë sa të bukura aq edhe të pamundura. Por papafingo edhe tjetërsohet duke u bërë një manastir, apo edhe një skenë "gjigande" për "artistë të jashtëzakonshëm", shpjegon regjisori Erion Isai.
Në këtë komedi përmblidhen "Ëndrrat e një nate vere" nga William Shekspir, "Dialogje dhe monologje" të krijuara enkas për këtë shfaqje, si dhe nga kryevepra botërore "Dekameroni", e Xhovani Bokaços dhe një fragment i dramatizuar. "Kjo komedi vjen e stilizuar, duke mos pasur strukturën dhe zhvillimin e një komedie që kemi dëshirë të shohim, por vjen e ndërthurur, duke kaluar nga një ngjarje, në një tjetër ku gjithmonë personazhet i përflasin ëndrrat. Ajo fillon me një elozh ndaj 100-vjetorit të pavarësisë dhe më pas duke i lidhur njëri pas tjetrit personazhet me monologjet, "Ëndrrat e një nate vere" të Shekspirit etj.
“ENDRRA NE PAPAFINGO”
Regjia: Erion Isai
Ass/regjisor: Amos Zaharia
Skena dhe kostumet: Klajd Ymeri
Drejtor artistik: Suela Konjari
Interpretojnë: Lorenc Kaja, Natasha Sela, Kastriot Ramollari, Albana Sançolli, Ajlin Petrela, Denis Kurushi, Olta Çali
Shfaqet: 28, 29 tetor 2012
Shkrimi u botua sot në gazetën SHQIPTARJA.com
(eç/shqiptarja.com)
Ngjarjet e komedisë zhvillohen në një papafingo. Aty personazhet kanë dhomën e tyre të gjumit, kanë "sallën e tyre të konferencës", kanë vendin ku "i rrëfehen vetes" (monolog), por e kanë edhe vendin ku mund të tentojnë që të shfaqin ëndrrat dhe dëshirat e tyre që janë sa të bukura aq edhe të pamundura. Por papafingo edhe tjetërsohet duke u bërë një manastir, apo edhe një skenë "gjigande" për "artistë të jashtëzakonshëm", shpjegon regjisori Erion Isai.
Në këtë komedi përmblidhen "Ëndrrat e një nate vere" nga William Shekspir, "Dialogje dhe monologje" të krijuara enkas për këtë shfaqje, si dhe nga kryevepra botërore "Dekameroni", e Xhovani Bokaços dhe një fragment i dramatizuar. "Kjo komedi vjen e stilizuar, duke mos pasur strukturën dhe zhvillimin e një komedie që kemi dëshirë të shohim, por vjen e ndërthurur, duke kaluar nga një ngjarje, në një tjetër ku gjithmonë personazhet i përflasin ëndrrat. Ajo fillon me një elozh ndaj 100-vjetorit të pavarësisë dhe më pas duke i lidhur njëri pas tjetrit personazhet me monologjet, "Ëndrrat e një nate vere" të Shekspirit etj.
“ENDRRA NE PAPAFINGO”
Regjia: Erion Isai
Ass/regjisor: Amos Zaharia
Skena dhe kostumet: Klajd Ymeri
Drejtor artistik: Suela Konjari
Interpretojnë: Lorenc Kaja, Natasha Sela, Kastriot Ramollari, Albana Sançolli, Ajlin Petrela, Denis Kurushi, Olta Çali
Shfaqet: 28, 29 tetor 2012
Shkrimi u botua sot në gazetën SHQIPTARJA.com
(eç/shqiptarja.com)