Qendra Spitalore Universitare “Nënë Tereza” Tiranë i ka shprehur mirënjohjen kryeinfermieres në Shërbimin e Reanimacionit Pediatrik, Kristina Marku përmes një postimi në rrjetin social Facebook.
Ajo është në krye të detyrës prej 27 vitesh, duke punuar me përkushtim dhe përgjegjësi.
Krishtina ka arritur të krijojë një harmoni mes stafit të shërbimit, dhe kjo reflektohet në klimën miqësore dhe të ngrohtë, dashamirësinë e jashtëzakonshme që hasin pacientët e vegjël dhe prindërit e tyre në këtë pavion.
“Kur e pyet Kristinën se përse zgjodhi këtë profesion, ajo të përgjigjet me thjeshtësi : “Sepse më pëlqen të përkujdesem dhe të ndihmoj të sëmurët”, shkruhet në postim.
Përveç mirënjohjes së thellë të shprehur nga QSNUT-ja është përmendur edhe dashuria që ajo ka ndaj pacientëve të vegjël dhe prindërve të tyre të cilët i mbështet dhe u jep kurajo.
“Krenare qe kemi mes nesh një profesioniste si Kristina Marku, e aftë, e devotshme, e papërtuar dhe me zemër fisnike.”, shkruhet në fund në postim.
