Për të gjithë maturantët kandidatë që nuk kanë kryer aplikimet me formularët A1/A1Z, portali i Maturës Shtetërore do të hapet për aplikime në datën 8 tetor.
Kështu njofton Qendra e Shërbimeve Arsimore, e cila thekson se portali do të jetë i hapur nga ora 9:00 deri në 14:00.
"Qendra e Shërbimeve Arsimore (QSHA) ka njoftuar se për maturantët kandidatë që nuk kanë kryer aplikimet me formularët A1/A1Z, Portali i Maturës Shtetërore do të hapet për aplikime në datën 8 Tetor 2020 (9:00 – 14:00). Detaje të mëtejshme mund t’i merrni nga faqja e QSHA-së", thuhet në njoftimin e QSHA.
Provimet e maturës shtetërore këtë vit kanë qenë në qendër të vëmendjës për shkak se janë krijuar debate dhe diskutime lidhur me mënyrën e formulimit të tezave, por pavarësisht kësaj tanimë jemi drejt fillimit procesit mësimor në universitete dhe ministria e Arsimit po u jep shansin e fundit kandidatëve për të aplikuar.
