Në mbledhjen e sotme, Këshilli i Ministrave, ka miratuar paketën e barnave për trajtimin ambulator në shtëpi të personave të diagnostikuar me COVID-19, paketë e cila do të financohet nga fondi i sigurimit të detyrueshëm të kujdesit shëndetësor.
Siç caktohet në VKM, paketa e barnave për trajtimin ambulator në banesë të pacientëve të diagnostikuar me COVID-19 përbëhet nga dy skema trajtimi, në përputhje me formën e sëmundjes, sipas udhëzuesit të miratuar nga Komiteti Teknik i Ekspertëve.
Vlera e rimbursimit të paketës së barnave për skemën 1 të trajtimit (forma e lehtë) do të jetë jo më shumë se 1 650 (një mijë e gjashtëqind e pesëdhjetë) lekë, ndërsa vlera e rimbursimit të paketës së barnave për skemën 2 të trajtimit (forma e mesme) do të jetë jo më shumë se 10 900 (dhjetë mijë e nëntëqind) lekë.
Mjeku i familjes, për personat e testuar pozitiv për Sars-Cov-2 (të konfirmuar nga institucionet shëndetësore publike përgjegjëse), në përputhje me formën e sëmundjes dhe indikacionet e përcaktuara në udhëzuesin e miratuar nga Komiteti Teknik i Ekspertëve, lëshon recetën me rimbursim, sipas rregullave të përcaktuara nga Fondi i Sigurimit të Detyrueshëm të Kujdesit Shëndetësor.
Kujtojmë se më herët ministrja e Shëndetësisë Ogerta Manastirliu ka deklaruar se skema 1 e trajtimit e cila përfshin format e lehta të prekjes nga infeksioni, kurse skema 2 e trajtimit e cila përfshin format e moderuara të prekjes nga infeksioni i shkaktuar nga Sars-Cov. Kostoja vjetore parashikohet 1.2 miliard lekë në vit.
Në mbështetje të nenit 100 të Kushtetutës dhe të pikës 6, të nenit 10, të ligjit nr.10383, datë 24.2.2011, “Për sigurimin e detyrueshëm të kujdesit shëndetësor në Republikën e Shqipërisë”, me propozimin e ministrit të Shëndetësisë dhe Mbrojtjes Sociale, Këshilli i Ministrave, Vendosi:
1. Rimbursimin e paketës së barnave për trajtimin ambulator në banesë për personat e diagnostikuar me COVID-19 nga Fondi i Sigurimit të Detyrueshëm të Kujdesit Shëndetësor.
2. Paketa e barnave për trajtimin ambulator në banesë të pacientëve të diagnostikuar me COVID-19 përbëhet nga dy skema trajtimi, në përputhje me formën e sëmundjes, sipas udhëzuesit të miratuar nga Komiteti Teknik i Ekspertëve.
3. Vlera e rimbursimit të paketës së barnave për skemën 1 të trajtimit (forma e lehtë) do të jetë jo më shumë se 1 650 (një mijë e gjashtëqind e pesëdhjetë) lekë.
4. Vlera e rimbursimit të paketës së barnave për skemën 2 të trajtimit (forma e mesme) do të jetë jo më shumë se 10 900 (dhjetë mijë e nëntëqind) lekë.
5. Mjeku i familjes, për personat e testuar pozitiv për Sars-Cov-2 (të konfirmuar nga institucionet shëndetësore publike përgjegjëse), në përputhje me formën e sëmundjes dhe indikacionet e përcaktuara në udhëzuesin e miratuar nga Komiteti Teknik i Ekspertëve, lëshon recetën me rimbursim, sipas rregullave të përcaktuara nga Fondi i Sigurimit të Detyrueshëm të Kujdesit Shëndetësor.
6. Për diagnozën COVID-19, e gjithë popullata konsiderohet përfituese nga skema e sigurimeve shëndetësore, duke u regjistruar dhe identifikuar si e siguruar.
7. Efektet financiare për zbatimin e këtij vendimi do të përballohen nga buxheti i Fondit të Sigurimit të Detyrueshëm të Kujdesit Shëndetësor.
8. Ngarkohen Ministria e Shëndetësisë dhe Mbrojtjes Sociale dhe Fondi i Sigurimit të Detyrueshëm të Kujdesit Shëndetësor për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
//ReportTv.alKomente
Haha keta jane te papare,nje kurim ne shtepi kushton 1000 euro,keta japin 1650 lek shtet legen
PërgjigjuOre e di shteti qe per te bere nje gjilpere intravenoze ne shtepi per covidin, infermieret marrin 2,500 lek te reja per gjilpere. Dy here ne dite, 7 here ne jave sa shkojne???? Pa fature. Po ilacet a e di ne formen e mesme jane 40,000 lek te reja kura? I ke cmimet ne farmaci, me pulle o shtet legen. Po analizat para e mbrapa qe shkojne 20,000 lek minimalja se vetem ne disa klinika behen? Ah si sju kap te formes se rende te gjitheve ju qeveritareve qe talleni me njerezit e te vdisni te gjithe me ceremoni?!!!
PërgjigjuPo pse i mbylle llotot te paktem te kishim nje shpres me vone naji skedine se me 1650 leke me 5 neshje angleze i kishim nxjere leket e covidit.
PërgjigjuHahaha fiks
Pra njerezit e semure do mbeten dyerve te mjekut te familjes qe te marrin receten e rimbursimit.
PërgjigjuPo ato që do teprojnë nga 1650 lek do ti mbajnë apo duhet ti kthejn prap në shtet?!
Përgjigjume 1650 leke ben gjithe ato gjera. Ky shtet ka marre fund
Përgjigju