Qeveria e Kosovës ka reaguar në lidhje me lajmin për pjesëmarrjen e zv.kryeministrit të Kosovës Besnik Bislimi sot në takimin informal në Tiranë. Sipas zëdhënësit të qeverisë së Kosovës s’ka pasur asnjë konfirmim për pjesëmarrje e prandaj nuk ka mundur as t'i refuzohej pjesëmarrja apo prania e tij.
‘Lajmi i djeshëm për pjesëmarrjen e zëvendëskryeministrit Bislimi në takimin joformal në Tiranë nuk është i vërtetë. Nuk ka qenë i planifikuar e aq më pak i konfirmuar. Meqë nuk ka patur asnjë konfirmim nga zëvendëskryeministri Bislimi, atëherë nuk ka mundur as t'i refuzohej pjesëmarrja apo prania e tij. Prandaj edhe raportimet nga disa media shqiptare në lidhje me refuzimin nuk janë gjë tjetër veçse spekulim dhe duke qenë i tillë veç mund të spekulojmë për origjinën e tij.’- njofton qeveria e Kosovës.
Lajmi kryesor:
Samiti i Procesit të Berlinit, Rama takim informal me liderët e rajonit në Tiranë, i pranishëm Varhelyi! Mungon Albin Kurti
M.Q./ReportTv.al