Një 62-vjeçar me iniciale H.D., nga fshati Paraspuar i Poliçanit ka rënë në prangat e policisë pasi ka qëlluar me armë zjarri në ajër. Kanë qenë banorët e fshatit ata që kanë lajmëruar policinë pasi kishin dëgjuar të shtëna, më pas efektivët e policisë kanë shkuar në zonë ku më pas u bë mundur dhe arrestimi i 62-vjeçarit.
62-vjeçari banori i fshatit Paraspuar i Poliçan akuzohet për veprat penale "Mbajtja pa leje e armëve të gjuetisë dhe sportive" dhe "Mbajtja pa leje e armëve shpërthyese dhe municioneve".
Po ashtu, gjatë kontrollit në shtëpinë e tij u gjet dhe u sekuestrua një armë gjahu pa leje, një sasi fishekësh dhe 2 ndezës granate.
Materialet i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
S.C/ReportTv.al
Komento
